文章日期：2017年12月23日
【明報專訊】話說大家樂（0341）主席羅開光嘅家姐羅碧靈（Anita），上年9月先轉做非執董，竟然喺佢65歲臨近退休再度被委任做公司嘅執董，任期由出年1月1日至2019年3月底，成個任期嘅酬金有675萬，除番開每個月袋45萬，仲會有5萬蚊嘅年度董事袍金𠻹。羅氏一家不嬲都好勤力，「八叔」羅騰祥，當年就係以54歲「高齡」創辦大家樂，而公司前主席陳裕光，即係八叔細女羅寶靈嘅老公，喺佢60歲時話就話改任為非執行董事擔任公司主席，最後做多4年先真正退下火線。
