明報APP
報章內容
施永青交棒 子女分掌中原利嘉閣
【明報專訊】地產界名嘴、人稱老施嘅中原集團老闆施永青，最為人熟悉嘅金句應該係「無為而治」。不過，2019年快將來臨之際，作為龍頭地產代理行嘅中原，董事局噚日就公布高層人事新任命，相信是希望為集團帶來一番新氣象。
其中最矚目係，中原公布委任施俊嶸、即老施兒子，明年元旦起出任中原集團副主席；至於老施嘅千金施慧勤，則獲委任為利嘉閣、中原集團子公司主席，同樣明年元旦起生效，意味老施嘅子女正式進入中原權力核心。
子任中原副主席 女任利嘉閣主席
至於兩位新紮領導人喺集團營運策略方面會否繼續奉行爸爸嘅「無為而治」路線，抑或轉為「適度有為」，甚至係「進攻就是最佳防守」嘅路線，大家就要拭目以待喇。子女接棒，咁老施會唔會退下火線？資料顯示，佢明年將踏入70歲，相信會逐步減低中原嘅工作量，多花時間喺慈善同社會公職工作。
email:piano@mingpao.com