湯文亮:美為立威 要晶片商交資料

文章日期:2021年10月4日

【明報專訊】45日之後,台積電(台: 2330)會不會被美國重罰。美國汽車生產商不夠晶片要減產,於是向總統拜登投訴,拜登在輸完孟晚舟一役之後,一定要向全世界重新樹立威信,於是要求台積電、韓三星電子(韓:005930)、英特爾(INTC)在45日之後,交出機密資料,有台灣老友話美國佬真係野蠻,要台積電交機密資料,即是強盜所為,原來老友與一般台灣人都認為那些機密資料是台積電研究成果,冇理由白白送畀美國,不過如果唔畀,美國就會出「國防生產法」,後果可能連蔡英文都會被美國制裁,今次真係大件事。