譚仔三哥明年初進軍日本

文章日期:2021年10月9日

【明報專訊】市場期待已久嘅本地連鎖米線品牌譚仔國際(2217),日前終於喺主板上市!喜事真係浪接浪,呢頭上完市,嗰頭日本母公司東利多(Toridoll)就宣布,集團旗下「譚仔三哥」品牌將會率先喺明年初、開日本第一間分店,正式衝出國際!

其實集團CEO劉達民早喺招股初期,已經透露未來3年會開多163間分店,當中包括內地會開71間、日本開25間,同埋澳洲都會開15間門市。佢之前喺專訪表明,「要將譚仔味帶到全世界」,仲話即使日本係新市場,但喺當地背靠母公司支援,好有信心可以做好。

雖然譚仔國際係威係勢咁上市,但熊市嘅事實都擺在眼前。集團以招股價下限3.33元定價,上市兩日就跌足兩日,噚日收報2.75元,比前日跌多過一成,仲低過招股價18%。

[小琴密語]