明報APP
報章內容
譚仔三哥明年初進軍日本
標籤：小琴密語
【明報專訊】市場期待已久嘅本地連鎖米線品牌譚仔國際（2217），日前終於喺主板上市！喜事真係浪接浪，呢頭上完市，嗰頭日本母公司東利多（Toridoll）就宣布，集團旗下「譚仔三哥」品牌將會率先喺明年初、開日本第一間分店，正式衝出國際！
其實集團CEO劉達民早喺招股初期，已經透露未來3年會開多163間分店，當中包括內地會開71間、日本開25間，同埋澳洲都會開15間門市。佢之前喺專訪表明，「要將譚仔味帶到全世界」，仲話即使日本係新市場，但喺當地背靠母公司支援，好有信心可以做好。
雖然譚仔國際係威係勢咁上市，但熊市嘅事實都擺在眼前。集團以招股價下限3.33元定價，上市兩日就跌足兩日，噚日收報2.75元，比前日跌多過一成，仲低過招股價18%。