阿里創業比賽添大灣區元素

文章日期:2021年10月12日

【明報專訊】阿里巴巴創業基金主辦的創業比賽JUMPSTARTER,今年已舉辦至第5屆,似乎係要配合國情,今屆增設大灣區元素,最後10強隊伍可以參與由創業基金安排,喺香港或大灣區其他城市內交流或做市場調查,基金仲會安排行業專家分享經驗,幫助初創公司融入灣區發展,拓展人際網絡。

今屆JUMPSTARTER現已現始接受報名,下月28號截止,比賽將會喺12月舉辦,最後10強將會喺明年初進行總決賽,角逐合共最高400萬美元投資額。

基金董事局成員盛智文就話,留意到大灣區嘅初創企業,近年對人才、業務和融資機會嘅需求日益殷切,所以今屆比賽會以大灣區作為其中一個重點。今年JUMPSTARTER 2022繼續獲匯豐冠名贊助,匯豐香港工商金融中小企業主管王海珍就話,中小企普遍透露關注線上商機等問題,亦有中小企透露,將以往着重嘅海外市場,轉向大灣區市場,主要因為有更多優惠政策支持同鄰近香港,容易接觸當地市場喎。

[小琴密語]