戶戶送6周年大講「人情味」

文章日期:2021年10月22日

【明報專訊】原來戶戶送今年已經係6周年,喺呢個大喜日子,佢哋計劃下個月4日至7日係PMQ元創方舉辦《美味日嚐之旅》限定展,包括4個展區。「細味日嚐區」當中,會有由本地插畫家Kazy Chan所畫,藝人林二汶、梁祖堯同曾比特聲演幾個同米相關嘅人情味故事。靜雞雞話你知,其中一個係阿祖自己真實嘅故事!

全港首創 米粒數碼像素技術造人樣與金句

而「人人日嚐區」都有親身訪問好多同米相關嘅人,例如香港本地嘅二澳米農、米行老闆、溝米師、釀酒老闆等等。戶戶送會採用全港首創將米粒化成數碼像素嘅技術,製作出受訪者嘅人樣同埋佢地嘅金句。戶戶送亦會重塑復古米舖,帶大家認識米嘅各種形態同埋飲食文化。成日話「打工仔為五斗米折腰」,想知五斗米到底有幾重?可以到時同小琴一齊去搵答案!

[小琴密語]