配合氣候大會 Meta打擊錯誤資訊

文章日期:2021年11月3日

【明報專訊】正喺英國格拉斯哥舉行嘅聯合國氣候變化大會(COP26),受到全世界關注。小琴噚日收到來自「Meta」嘅新聞稿講氣候變化,諗咗一諗先記得係邊間公司。新改名做「Meta」嘅Facebook噚日話,佢哋正同全球超過80個獨立事實查證機構合作,對平台上嘅內容做審查同評分,包括有關氣候變化嘅內容。當他們將帖文評定為不實內容,Meta就會減少其流傳嘅機會,並附上警告標籤提供更多嘅資訊,同時懲罰反覆分享錯誤資訊嘅用戶。

點解咁做?Meta話作為每月有30億人使用嘅社交平台,佢哋有責任打擊平台上嘅氣候錯誤資訊。佢哋介紹指,為咗事實查證人員可以喺呢類公衆活動期間能夠透過關鍵字檢測,從而更容易搵到相關內容,上述功能適用於英語、西班牙語、葡萄牙語、印尼語、德語、法語和荷蘭語。

[小琴密語]