工信部新產品名單 驚見恒汽電動車

文章日期:2021年11月10日

【明報專訊】雖然債務問題龐大,但中國恒大(3333)董事長許家印早前表態,寧棄地產本業都要搞好電動車似乎係真心說話,事關中國工信部噚日發布申報《道路機動車輛生產企業及產品公告》(第350批)新車公示清單,當中竟然出現恒大汽車(0708)旗下兩款純電動汽車,包括早前公布嘅「恒馳5 LX」。

出現喺工信部新產品名單,似乎反映包括恒馳5 LX完成品可能即將落地。事實上,恒大汽車上個月就曾經舉行誓師大會,話就算爭取外部投資面臨困難,仍然堅持確保恒馳首架車型明年初喺天津工廠出廠嘅目標。

許家印好似拼咗條命都要完成電動車大業咁,雖然小琴對恒馳嘅設計無乜好感,隔住個Mon都仍然感受到許家印嗰份決心,我哋即管期待下到底恒馳能否正式量產?

[小琴密語]