湯文亮:股巿牛皮 評論員唔易做

文章日期:2021年11月17日

【明報專訊】老友問我幾時轉行,我話孭住咁多資產,又有咁多債,很難轉。老友話我誤會,他的意思是我幾時唔寫樓市評論,因為有很多股市評論員話股市太悶,打算轉行。老友不明白,無論是股市樓市,當市場成熟時,上落波幅很窄,根據我的經驗,當有評論員很悶,準備轉行時,股市將會大升,就算唔升,都唔會大跌,因為很多時股市大跌都是評論員造成的,現在投資者已經成熟,對於某些模棱兩可的評論,連聽都費事聽,評論員亦知道,所以他們話要轉行。