花旗前線新制服 環保物料製

文章日期:2021年11月25日

【明報專訊】香港花旗銀行噚日話,前線員工將換上新制服,並於下月登場。設計套用花旗一貫白色、藍色的主調,上身以白色Tee打底,同外搭淺藍色西裝外套,下身就配搭深藍色九分褲,同休閒白色運動鞋。物料方面,採用環保物料,係由回收嘅塑料膠樽製造而成。

成套新制服小琴最鍾意嘅部分就是上身西裝外套嘅領邊Logo設計,採用單邊領巾,喺最底位置再印有Citi logo,設計低調、簡約得嚟,又唔會顯得老土。

花旗表示,新制服突顯員工充滿活力、親切友善及專業嘅形象,給人耳目一新嘅感覺。香港花旗銀行零售銀行業務主管李貴莊就話,現時香港花旗銀行近99%嘅交易都在分行以外嘅渠道進行,因此分行前線團隊可以顧問角色為客戶提供各項銀行諮詢服務及專業理財策略,同時協助客戶透過數碼渠道進一步提升客戶服務體驗,務求以全方位渠道策略,訂立分行服務新標準。

[小琴密語]