Carousell:疫下二手玩具需求超女裝

文章日期:2021年12月1日

【明報專訊】買賣平台Carousell(旋轉拍賣)相信有唔少人聽過甚至用過,平台早前進行一項調查發現,疫情令二手玩具同遊戲嘅需求有所增加。其實以往一直係二手女裝比較熱門,但隨住社交距離措施生效,香港人留喺屋企嘅時間多咗,所以玩具同埋遊戲嘅需求就多咗。

44%受訪者最願意買賣玩具等

隨住疫情持續,有44%受訪者選擇玩具同遊戲為今年最願意買賣嘅二手物品類別。

報告又發現,香港用戶屋企入面平均有43件唔需要嘅嘢可以出售,係各個地區當中排第三。最多嘅地區就係印尼,估計平均有57件唔需要嘅物品可以出售;排第二係台灣嘅52件。

而喺香港唔同年齡層當中,就以X世代唔需要嘅物品平均達49件排名最高,可見中年消費者最具潛力改變過度消費習慣,轉為再買賣交易。

[小琴密語]