明報APP
報章內容
阿布泰重新登陸HKTVmall
標籤：小琴密語
【明報專訊】俗語有云「凡事留一線，日後好相見」，阿布泰生活百貨創辦人林景楠，舊年底喺facebook大呻網購「白做」、仲即時撤出網購平台之後；事隔一年，阿布泰噚日喺facebook專頁發文，祝賀香港科技探索（1137）（前稱香港電視）創辦人兼副主席王維基六十大壽、生日快樂之餘，仲宣布公司重新登陸HKTVmall，真係雙喜臨門！
林景楠舊年發文話，作為小店要以「跑量」形式喺網上賣毛利唔高嘅快速消費品同生活必需品，同時承擔相應嘅行政開支、物流等成本，利潤往往不足以覆蓋，所以當時就選擇撤出網購平台，包括自家網店同HKTVmall，但表明等合適時間會再捲土重來。
料再戰網購
不過，𠵱家阿布泰網店仲未開通番，相信HKTVmall係公司再戰網購嘅第一個「試點」。唔知公司今次計好數未呢？