明報APP
報章內容
渣打電子利市 利物浦球星賀歲
標籤：小琴密語
【明報專訊】下個月頭就農曆新年，又係時候要準備派利市！今年渣打話，如果大家用轉數快向親友派電子利市，15日起，轉數後可以用利物浦球星貼圖祝福對方，有隊長軒達臣、羅拔臣、文尼、雲迪克畀人揀。不過萬一對方係曼聯球迷，收到幅貼圖，咪日日都變赤口？穩穩陣陣，好彩渣打都有啲虎年賀歲卡通貼圖揀下，包保無交嗌！
至於匯豐鼓勵大家用匯豐流動理財app派利市，貪意頭好嘅話可以一次過派足兩封，金額任你定。
渣打匯豐13日起可換新鈔
如果都係鍾意傳統啲畀現銀，渣打、匯豐兩家銀行都會喺今個月畀大家換新鈔，由13日到月底可以換，13至15日都會早一個鐘（早上8點）開門。費事人多擠迫，大家可以喺8日（本周六）起上官網預約。呢排有爆發疫情風險，到時排隊換鈔，大家記得做好防疫措施！