明報APP
報章內容
AFF逃不過疫情 改全網舉行
標籤：小琴密語
【明報專訊】貿發局下星期會舉辦一年一度嘅亞洲金融論壇（Asian Financial Forum，AFF），原本今年其中一個噱頭係重返實體，兩日嘅活動有一半喺會展舉行，另一半在網上。但噚日政府宣布收緊防疫措施，貿發局亦隨即宣布，將活動改為全網上形式舉行。
嘉賓包括英歐前央行行長
小琴本身都頗期待今次的論壇，因為舊年AFF已經因為處於第四波疫情期間，而只在網上舉辦，無得出席實體嘅場地，識唔到啲嘉賓或出席者，論壇嘅吸引力低咗。估唔到今年都係逃不過疫情。其實唔單止AFF，全球矚目嘅達沃斯論壇，早前亦要宣布延期，變種病毒Omicron嘅威力實在不容忽視。講番今年AFF，題目自然離不開ESG呢個近年國際熱話，大會邀請咗英倫銀行前行長、現為聯合國氣候行動及融資特使的Mark Carney（圖），同場仲有歐央行前行長、比利時副首相等重磅嘉賓。