下周舉行亞洲金融論壇 許正宇入隔離營前已錄影演講

文章日期:2022年1月8日

【明報專訊】高官參與生日會事件發酵,多名官員及議員要被送去隔離營,小琴諗起下星期舉行嘅「亞洲金融論壇」,翻查名單,財經事務及庫務局長許正宇、副局長陳浩濂、立法會議員邱達根,佢哋3個原本都係論壇嘅講者或者主持,但咁啱都有出席生日會。

局長同議員何不順便介紹隔離營環境

主辦方貿發局至截稿前都未覆小琴論壇嘅演講名單有無變動。而財庫局那邊夜晚就覆話,許正宇去隔離營前已經錄影。因為貿發局日前已宣布論壇改為全網上形式舉行,局長用錄像一樣可以同參加論壇的朋友致辭。小琴覺得其實局長都可以帶部電腦入竹篙灣,一邊歎住奶茶一邊參與會議。亞洲金融論壇一向都邀請好多國際級嘉賓出席,而香港防疫措施出名嚴謹,好多外國人都想見識一下竹篙灣究竟係點,局長們同議員其實可順便介紹一下環境。記得前排證監會CEO歐達禮,一樣係喺隔離營參與會議,席間講起香港嘅隔離營環境,據講與會者都好有興趣﹗

financepage@mingpao.com

[小琴密語]