moneymonday
指數/外匯
明報APP

報章內容

港科探索俄企債都買

【明報專訊】HKTVmall母公司香港科技探索(1137)上星期公布業績,雖然去年盈利跌咗唔少,不過睇番今年初生意都算唔錯;不過,份業績提到,港科探索揸住約3200萬元「俄羅斯主要金融機構」發行債券,攞唔攞得番錢都係未知數,投行大和噚日報告都話,港科探索投資認真「多元化」。

小琴一向係HKTVmall忠實用家,所以上星期一出業績,見到盈利大跌都嚇咗一跳,搞到都無注意到呢筆債券。公司原來喺公告最後提到,佢哋持有一家俄羅斯主要金融機構發行約3207.8萬元債券,因為近期俄羅斯入侵烏克蘭爆發戰爭,搞到歐美多國制裁,令到港科探索能否收番本息「存在高度不確定性」,能否悉數收回都屬未知數。

大和話,投資者都關注港科探索點解會揸住呢筆債券,不過佢哋話,呢批該債券係持有約9年嘅長期投資,喺決定投資時係屬於投資級別,而且目前仲未違約或者造成任何實際損失,加上公司債券組合足夠多元化,所以影響不大。

email:piano@mingpao.com

[小琴密語]