明報APP
報章內容
金管局人工「解凍」 今年固定薪酬加2.2%
標籤：小琴密語
【明報專訊】金管局上年度做薪酬檢討，結果凍結咗無得加人工，等咗一年時間，最新2022年度嘅薪酬檢討，終於等到有人工加。今次佢哋決定，員工嘅整體固定薪酬調高2.2%。同時恢復返撥出相當於固定薪酬嘅1.35%，獎勵畀出色嘅員工，幅度仲要去番2019年度嘅水平。發畀符合指定工作表現或超越指定水平嘅員工嗰筆浮動薪酬就維持番上年度嘅20.28%水平。至於分配畀個別員工嘅實際數額就要睇番員工2021年度嘅工作表現而定。
金管局仲有人工加，比起好多企業同機構，算係唔錯。財政司長每年決定金管局員工薪酬調整時，會考慮外匯基金管治委員會嘅建議，管治委員會會睇番金管局過去一年表現，同埋獨立人力資源顧問公司嘅金融業薪酬調查結果，同其他相關因素去考慮。
email:piano@mingpao.com