moneymonday
指數/外匯
明報APP

報章內容

台積電擬補貼員工買自家股票

【明報專訊】晶片需求有增無減, 科技人才更供不應求。龍頭晶片代工廠台積電噚日傳出計劃補貼員工買自家公司股票,以留住人才。據悉,台積電除咗調整人工外,仲計劃喺員工每月份糧,扣除一定金額買入自家公司股票,公司將會補助15%左右,並計劃於7月實行,目前正討論有關細節。這或成為台積電成立以來首次實施嘅項目。

有半導體專家就講到,原本只有資深員工有配股分紅,若計劃真的實行,現在新入職員工除咗年薪200萬元新台幣外,仲有望成為台積電股東。專家話,喺公司層面,員工可以係享受公司成長好處嘅同時,培養員工嘅忠誠度同向心力。

每月扣糧買股 公司補助15%

專家分析,中國過去幾年內,用高薪挖角台灣半導體人才,但係台積電豐厚條件同良好企業文化之下,很少聽到、甚至冇聽到台積電嘅半導體人才,被中國企業所吸引,顯示人才嘅忠誠度同磁吸效應非常高。

financepage@mingpao.com

[小琴密語]