moneymonday
指數/外匯
明報APP

報章內容

國泰加一成津貼留機師

【明報專訊】新冠疫情肆虐下,本港亦嚴陣以待、仲不斷收緊邊境防疫措施,航空業員工自然深受其害。國泰(0293)機師早前因工作需要頻繁地長時間隔離,爆發一輪離職潮。不過,據彭博報道,集團日前發內部通告,講明會調整機師每月津貼和其他補貼金額,意味終於肯出錢留人!

報道指上述補貼將於明年實行,會根據機師職級調整津貼金額,受聘於2018年服務合約嘅高級副機長及機長,其每月津貼都會增加;當中最資深機長每月可以得到3.6萬元津貼,相當於每年津貼高達43.2萬元,比現有39.6萬元上調約9%。

此外,國泰亦會為二副及副機長每年提供10萬元教育補貼,最多3名子女可受惠,適用於香港及海外學校。負債纍纍嘅國泰今次肯大灑金錢留人,睇嚟人才流失嘅問題真係水浸眼眉!

[小琴密語]