moneymonday
指數/外匯
明報APP

報章內容

港千萬富翁人數減15%

【明報專訊】疫情陰霾擾攘香港超過兩年,就算係有錢人都未必「避得過」。花旗發表調查報告顯示,2021年香港有43.4萬位千萬富翁,等於每13個香港人就有一個,按年銳減15%,有成8.1萬人跌出圈外。而「企穩」嘅富翁身家就逆市反彈,中位數增至1570萬元,超過七成人話身家已經「收復疫前失地」,近兩成半更有所增加。

每13港人就有一個千萬富翁

調查發現,男性千萬富翁比女性熱衷透過投資去建立同累積財富,比例分別係24%同20%,而女性千萬富翁對目前收入、物質財富嘅滿意程度整體較男士高。另外,調查又話,債券及基金比以往更受千萬富翁歡迎,超過三分之一認為香港物業係長線投資嘅好選擇。

債券基金比以往更受富翁歡迎

展望2022年,認為經濟狀况會有增長或者同2020年相若嘅千萬富翁比例按年顯著上升,近八成表示唔會憂慮通脹或滯脹,將會繼續以股票、物業及基金作為主要投資。

[小琴密語]