moneymonday
指數/外匯
明報APP

報章內容

登輝網上考察團 記者遇問題

【明報專訊】疫情下各地難以通關,於是乎除咗網上遊學團,有上市公司亦決定搞「網上考察團」。工業股登輝控股(1692)噚日就透過Zoom帶傳媒參觀惠州廠房、倉庫建設,睇睇「工業4.0」點運作。之不過唔知係技術原因,抑或係小琴手機網絡唔得,結果無得用視像考察,只能轉用電話由公司專員「聲音導航」,幻想下現場畫面。

過往登輝以製造熨斗聞名,有「熨斗大王」之稱,公司近年開始擴張到其他範疇,生產出口到歐洲市場的咖啡機,最新研發出一部全球機身最窄嘅自助咖啡機(似乎啱香港樓多啲),今次參觀廠房就順便分享下個生產流程。雖然小琴想像力一般,幸好公司其後都有提供錄影片段、相片、資料簡介可供參考。

據講除咗小琴,有其他傳媒朋友亦遇到其他問題,例如無法即場發問,要改為發短訊提問畀公關代為詢問。查實小琴比較喜歡睇實物,未能現場參觀始終覺得有點遺憾。

email:piano@mingpao.com

[小琴密語]