moneymonday
指數/外匯
明報APP

報章內容

摩通「不可投資」報告 認誤發疑洗底

【明報專訊】仲記得3月中個市崩潰時,摩根大通出咗份報告落井下石嗎?嗰份報告據講令佢投行部門無咗一啲中資企業嘅生意,而家摩通似乎後悔了,噚日彭博報道,嗰份報告原來係「誤發」。

彭博話,嗰份報告本來唔應該見天日,負責審核研報嘅編輯人員曾要求分析師團隊刪除「不可投資」一詞,某啲情况下改用「不具吸引力」,但寫住「不可投資」嘅報告仍然被誤發出去。

小琴仲記得,嗰份報告一舉削咗28隻中資科技股嘅評級同目標價,據講有份被摩通話「不可投資」嘅金山雲,因此而取消摩通主承銷商嘅地位。有業界人士就揣測唔知係咪咁,所以最近摩通又發報告唱返好中國市場,噚日仲有彭博呢段報道,疑似想「洗底」。

啲大行唔係成日話,分析部門獨立於業務部門嘅咩?不過唔緊要,大家都心照嘅。

[小琴密語]