moneymonday
指數/外匯
明報APP

報章內容

李澤鉅:主持會議高層喺邊 總部自然喺邊

【明報專訊】長和系多家上市公司一連數天舉行股東會,其中長江基建(1038)噚日舉行股東會,由於疫情影響,小琴都只能用網上形式參與。

指搵一個地方做總部係「老套」

長建多年嚟全球四出收購,主席李澤鉅(Victor)自然被問到疫下各地封關,長建是否需要將總部搬離,佢就霸氣咁話主持會議嘅高層喺邊,總部就自然喺邊,如果佢喺香港主持會議,咁香港就梗係總部啦!

Victor話,疫情限制對同事公幹確係有啲影響,但係國際企業如果仲講話要搵一個地方做總部,就係「老套」兼「唔合時宜」。

事關今時今日通訊技術發達,如果佢喺香港主持會議,咁嗰日公司總部就喺香港;如果副董事總經理甄達安喺倫敦主持會議嘅話,長建嗰日總部就喺倫敦;若集團董事總經理甘慶林身在澳洲兼主持會議,嗰日總部就會係澳洲。

佢仲話,公司有同事索性住喺海外,但亦因為佢哋跟香港時區嘅時間工作,搞到佢哋都唔知究竟喺乜嘢時區工作。

financepage@mingpao.com

[小琴密語]