moneymonday
指數/外匯
明報APP

報章內容

雷軍公餘時間化身汽車KOL

【明報專訊】小米(1810)以往發布新產品,創辦人兼董事長雷軍經常上台做介紹,可能表現欲實在太旺盛,佢噚日係微博發文,話自己除咗做IT「博主」(即香港的KOL)外,仲計劃公餘時間做汽車KOL,佢仲話現時已開始關注汽車試駕、改裝、賽車、汽車等話題。雷軍仲喺微博tag埋中國汽車KOL「韓路」,話要向專業汽車KOL致敬喎。

開始關注汽車試駕等話題

不過,小琴覺得呢件事,本質上其實同雷軍以前上台演講分別不大,皆因小米喺舊年3月宣布進軍電動車界,作為小米代表人物嘅雷軍,自然係身體力行幫公司新產品宣傳啦,所以轉型做汽車KOL,恐怕都係一種宣傳。

小米汽車研發團隊規模逾千人

睇番小米最新嘅造車消息,今年3月官方表示,自宣布造車計劃以來,小米嘅智慧電動汽車業務進展超預期;汽車業務研發團隊規模已超過1000人,未來將繼續喺自動駕駛、智慧座艙等核心領域拓展研發,保持預計喺2024年上半年正式量產。唔知到時雷軍又會點宣傳呢?

[小琴密語]