moneymonday
指數/外匯
明報APP

報章內容

恒馳再押後3個月量產

【明報專訊】中國恒大(3333)近年深陷債務漩渦,發展電動車幾乎已經成為恒大老闆許家印嘅最後一線生機,但噚日有內媒傳出,恒大汽車(0708)無限期推遲電動車預售呢個天大噩耗。

不過公司晚上澄清,並非「無限期」,只係推遲3個月,認真識玩。

其實市場一直都質疑恒大「閉門造車」,投入千億造車卻未見電動車真身,反而帶來巨債,令恒大財務狀况雪上加霜。不過,許老闆依然未放棄,即使恒大債務爆煲,佢仍然孤注一擲話要喺10年內將恒大由房地產轉型向新能源汽車發展。

許老闆早排仲開口話要「大幹三個月」,今年6月22日一定要實現電動車「恒馳5」量產。但係距離承諾量產日只剩一個月左右,就又話要押後到9月。到底最終恒大汽車會成為恒大的「救命繩」抑或係壓垮駱駝的「最後一根稻草」?相信唔使等好耐就會有分曉。

[小琴密語]