moneymonday
指數/外匯
明報APP

報章內容

估A股升至4000點 內地分析師被問責

【明報專訊】喺小琴印象入面,股民好現實,分析員分析個股或市况縱使再長篇大論,最重要仲係個目標價;不過,話說早前交銀國際前分析師洪灝離職,盛傳同佢估A股失守3000點有關。勢估唔到另有內地分析師估A股升到4000點,亦畀公司合規調查同問責,內地監管機構似乎希望大家分析有深度啲好。

方正證券稱已啟動合規調查及問責

話說方正證券分析師譚珺周一喺微信「朋友圈」發文,話「我應該是全網第一個喊4000點的人吧」,事件隨即惹來網民討論,方正證券噚日回覆內地傳媒查詢時表示,已啟動合規調查及問責。

有內地業界人士指出,中證協建議分析師發言時謹慎,實際上最主要係唔鼓勵大家預測點數喎。

查實小琴覺得,洪灝之前發表報告,列明理據去分析市况得出結論,成件事合理得多。但係呢位譚珺喺社交媒體一句「A股4000點」,分析師話晒專業人士,無頭無尾咁確係唔係太好嘅。

[小琴密語]