moneymonday
指數/外匯
明報APP

報章內容

欠租? 耀才:誤會,已圓滿解決

【明報專訊】耀才證券(1428)荃灣分行日前驚傳欠租,先喺門口被拉上橫額追租,然後到夜晚門外又有12人被反黑組以涉非法集結罪名帶走。耀才前日回應傳媒就話間分行漏水業主唔整,到噚日就隆重地再出澄清,話雙方已經圓滿解決問題。咁即係有無欠租、交咗租未?無講呀。

話說耀才荃灣分行前日畀人喺門口放上易拉架,話「耀才證券、從速交租」,另外門外棚架又掛咗一幅橫額,寫上「耀才證券欠租 拖欠四、五月租金,請從速繳交」,隨即成為噚日熱度數一數二嘅網民話題。

為咗闢謠,耀才好努力地解釋間舖有漏水業主唔整、公司去年業績好好、公司今年頭兩個月生意都好好……之類,但就唔多願講「交租」呢兩個字。

公司噚日再出澄清,就話分行同業主雙方有誤會,最後證實的確係誤會(到底個誤會係乜?),仲話已經圓滿解決…好啦,唔好嘈交都好嘅。

[小琴密語]