moneymonday
指數/外匯
明報APP

報章內容

擴建會展迎回歸 純官瞓唔着

【明報專訊】回歸25周年在即,各界都紛紛表達愛國之心,連近年鮮有露面嘅新世界(0017)主席鄭家純亦現身開金口,接受《人民日報》「你好,香港」人物紀錄片系列訪問,唔止提到爸爸「彤叔」鄭裕彤昔日教誨,仲講起當年會展需要趕工擴建第二期舉辦回歸典禮,壓力之大搞到佢喺典禮前一晚失眠。

新世界旗下會議展覽中心,因為需要喺1997年舉辦回歸典禮擴建,第二期由1994年開始施工,至1997年竣工,純官話時間查實非常緊迫,自言「移交典禮前一晚睡不着,工程太急了,怕出錯」,擔心有任何閃失,都可能影響到整個香港形象。

佢喺訪問中又提起父親、已故新世界創辦人「彤叔」鄭裕彤對自己教誨,例如要有社會責任、做生意要有誠信等。其實彤叔與純官父子亦有一項少有人做到的創舉,彤叔與純官分別喺2008年及2017年獲頒大紫荊勳章,以表揚二人對香港作出的重要貢獻,係香港名門之中少有一家有兩位「大紫荊勳章」。

[小琴密語]