明報APP
報章內容
「恒馳5」預售 首1萬架可15天內退車退款
標籤：小琴密語
噚日恒大汽車喺聯交所特登出公告，內容得一句，就係「恒馳5將於2022年7月6日正式開啟預售」，無交代細節。不過轉頭畀內媒爆出，原來作為恒馳頭炮量產車型「恒馳5」純電豪華SUV，售價大約20萬元人民幣。而頭1萬架「可交車時付車款、提車後15天內可退車並退款」，所有購車款項支付及退回均在公證處專戶。
純電豪華SUV 售價約20萬元人幣
未賣車已經諗定退貨呢件事，小琴難免諗起恒大過往賣樓推出「無理由退房」嘅做法。不過諗落都啱，事關恒大喺債務危機下，成間公司都危危乎，唔好話要消費者買樓，買車落訂呢啲細數都未必敢啦，係要出多啲招數畀信心買家嘅。