moneymonday
指數/外匯
明報APP

報章內容

揀謝霆鋒做代言人 富途:佢勇於突破

【明報專訊】近排唔同金融機構都搵咗年輕嘅代言人,力谷年輕人市場。匯豐除咗搵「試當真」推廣理財產品,旗下股票交易平台都有女團COLLAR幫手;花旗都唔輸蝕,有Ian代言信用卡;中銀有包括姚焯菲在內嘅3名TVB藝員代言。噚日連富途都加入戰團,搵到謝霆鋒成為開業10年來首個代言人。

富途噚日宣布佢哋搵咗個新代言人、拍攝一系列新廣告,不過佢哋嘅選擇同上述機構好唔同,佢哋搵嘅唔係年輕偶像,而係搵咗謝霆鋒!點解會搵佢呢?富途證券創辦人李華解釋,因為謝霆鋒除咗係個藝人,亦都建立咗自己嘅飲食同埋電影後製品牌,覺得佢勇於突破嘅精神同富途嘅創新精神不謀而合咁話喎。

富途仲話,新廣告將會鋪天蓋地咁登場,務求喺三大免費電視台、銅鑼灣SOGO大電視、地鐵站同埋巴士站都見到,到時就可以喺廣告入面睇到富途係點樣運用創新科技、帶領行業革新。

[小琴密語]