moneymonday
指數/外匯
明報APP

報章內容

國泰「班機回朝」準備起航

【明報專訊】疫情爆發初期,全球航空交通陷入停頓,國泰(0293)為咗慳返啲泊位錢,將約七成客機調去澳洲沙漠停泊;不過近期香港封關措施開始鬆動,當日低調收埋客機嘅國泰,今次將大批客機調返香港,就拍咗條片放喺YouTube介紹,見到幾十架客機排開,都幾有氣勢㗎。

停泊澳洲沙漠客機調返港

隨香港暫緩航班熔斷機制及放寬檢疫入境限制,有本地航空公司準備調回大部分機隊回港,為起航作準備。國泰話,正準備將停泊喺澳洲愛麗絲泉沙漠嘅客機調返香港,公司仲話,由於呢批飛機已長時間無飛行,目前工作人員正加緊維修,同埋進行大量測試檢驗,確保可在安全情况下營運。

國泰講到,今次重新調配機隊返香港係公司歷年來最大型嘅客機調動,仲話呢一連串事件,都唔係公司一開始可以預計想像喎。

email: piano@mingpao.com

[小琴密語]