明報APP
報章內容
3發鈔行派開工利市 中銀食買玩兼備最豪
標籤：小琴密語
【明報專訊】打工仔過年，除咗放假，最緊要係封開工利市，沒有之一。3間發鈔行早前有新銀紙畀市民去換嚟派利市，之後便到員工收利市，不過匯豐同中銀都係選擇用「e」方式派利市，匯豐就用PayMe向每員工派500蚊；中銀香港呢，就梗係用自家產品BoC Pay派，同樣每人500蚊，唔單止，中銀仲向員工派發海味賀年包，早前更向員工派每人兩張迪士尼入場券。
派迪士尼入場券嘅又唔只中銀，渣打員工都有份，每人兩張，加埋抽獎，抽出1000名員工可額外獲得香港迪士尼樂園酒店住宿，當然唔少得開工利市，每人100蚊。
匯豐同中銀都用自家電子支付平台派開工利市，一來員工有錢收，二來自己個支付平台又多了交易，何樂而不為？不過相比起電子支付平台變得熱鬧，小琴反而更好奇，今年班銀行員工去迪士尼樂園玩，會唔會撞口撞面都係同事，甚至……老闆呢？
email: piano@mingpao.com