明報APP
報章內容
麥記兔年首個品牌活動 送10萬張美食電子換領券
標籤：小琴密語
【明報專訊】新一年麥當勞又有新搞作，品牌1月13日喺英國首次推出「Raise Your Arches」全球品牌活動之後，香港麥當勞成為全亞洲第一個市場打響頭炮，噚日（26日）起推出兔年首個品牌活動「去麥記lor？」，一連10日透過香港麥當勞官方Instagram（IG）帳號免費送出合共10萬張美食電子換領券。
參加者只要喺1月26日至2月4日期間，每日去香港麥當勞官方IG帳號，完成指定步驟就可獲得相關主題美食電子換領券，再去餐廳憑券免費換領食物。以今日為例就可以換蘋果批一件，每個IG帳號每日只限參加一次。錯過第一日唔緊要，之後仲有9萬張券等緊你拎。
此外，麥當勞噚日開始喺全港所有餐廳加入唱片公司華納旗下歌手嘅歌曲，例如啱啱開完演唱會嘅MC張天賦、陳蕾、Ed Sheeran、Coldplay、Bruno Mars等等，果然緊貼潮流！