明報APP
報章內容
沙特阿美覓上市地 陳啟宗曾牽紅線
【明報專訊】行政長官李家超即將出訪中東與當地政商界會面。作為香港明天更好基金執行委員會主席嘅陳啟宗，噚日喺業績發布會上提到，諗起早年佢介紹沙特阿美嘅總裁畀港交所（0388）前行政總裁李小加認識，後來李小加曾親赴游說沙特阿美嚟香港上市，不過最終未能成事。作為紅娘嘅陳啟宗話，佢知道原因，但唔方便透露喎。不過佢賣關子，講到阿美可能第二上市嘅話，佢就唔敢講話無機會。
阿美來港上市，若如阿啟宗所言，俗啲講即係「Never Say Never」嘅話，咁佢點解又識阿美高層呢？原來佢早喺20至30年前開始就經常去中東，每年起碼去兩三趟。佢最大感受係，香港嘅人脈關係唔錯，向來中東國家對中國呢個大經濟體既發展向來有興趣。
email: piano@mingpao.com