明報APP
報章內容
花旗客初一豪派電子利市 六成派至少百元
標籤：小琴密語
【明報專訊】近年本港銀行積極推動派電子利市，花旗話雖然今年疫情緩和，客戶可以恢復親身同親友喺新春聚會，但係電子利市仍受歡迎。今年年初一至年初五（22日至26日）期間，佢哋客戶派發電子利市交易數目，佔佢哋轉數快轉帳交易數目約一半。
派電子利市嘅客戶唔少都好豪爽，年初一電子利市入面，超過六成金額有100元或以上。不要以為派發電子利市以富裕客戶為主，拉高利市金額。花旗指派發電子利市嘅客戶有超過八成係大眾客戶，約兩成係花旗私人客戶同花旗Citigold客戶。今年新年經該行派發電子利市的客戶中有四成屬25至34歲組別，三成屬35至44歲組別，反映電子利市功能較受年輕客戶歡迎。
整體新春期間，花旗有超過一半利市喺年初一至年初三派出。另外，唔少金融機構都會做啲賀年貼圖，花旗話佢哋嘅賀年貼圖截至噚日有近33萬下載量，係金融業界入面最多。