明報APP
報章內容
《明報》「卓越財經大獎」頒31獎項 機構參與踴躍
標籤：小琴密語
【明報專訊】《明報》「卓越財經大獎」已經係第三年舉行，有評審噚日同小琴講，《明報》「卓越財經大獎」喺苦難中誕生，又確實係，過去兩屆嘅頒獎禮都因為疫情而押後。嚟到第三屆終於可以喺原定嘅2月舉行。雖然如此，《明報》「卓越財經大獎」可謂苦盡甘來，由第一屆27個獎項，到今屆已增加到31個獎項，證明參加機構愈來愈多。
第三屆頒獎禮噚日喺萬豪酒店順利舉行，今屆請來財庫局副局長陳浩濂做主禮嘉賓。
世界華文媒體執行董事張怡嘉致詞時話，喺香港全面復常之後，作為全球領先嘅國際金融中心，當然要把握機遇，同中國內地緊密融合，並且接通世界各地。陳浩濂發言時亦話，政府正在向海外同內地朋友發出誠意、友善嘅邀請，歡迎大家嚟香港旅行同做生意。政府全力將香港嘅吸引力和優勢好好推廣，讓外界對香港嘅認識能更緊貼現實。