明報APP
報章內容
通關後首周末 AlipayHK交易宗數金額飈九成
標籤：小琴密語
【明報專訊】相信大家近日遊走街頭，都會發現中港通關後，香港真係搶咗唔少人才來港，聲色藝俱全，但最好梗係要多多消費啦。AlipayHK噚日話通關第一個星期六及日（即2月11日至12日），內地用戶到港消費交易金額，以及交易筆數，都較對上個星期六及日（2月4日至5日）急升九成，平均單筆交易金額較2019年，即疫情前上升五成，其中用支付寶搭公共交通工具次數，又較對上一個周末急增2.2倍，某程度都睇到，內地旅客今次嚟港，會搭車周圍去買嘢。
多數買日用品 幫襯快餐店
咁邊啲商店最受惠？原來萬寧、屈臣氏、莎莎、7-Eleven、百佳同惠康係最受內地客戶歡迎，即係話佢哋多數嚟買日常生活用品。嚟得買，又點會少得食？麥當勞、大家樂、一蘭拉麵，大快活同埋吉野家就較多旅客幫襯。明未？來得快，買得快，連食飯都最緊要快。