明報APP
報章內容
日本城贈千件禦寒品 半島酒店配對捐款援土耳其
標籤：小琴密語
【明報專訊】土耳其日前發生嚴重地震，受災人數眾多。日本城噚日話，佢哋響應油尖旺民政事務處呼籲，捐咗1000件物資到土耳其，主要包括禦寒同埋保暖用品，為災民送暖。日本城又同時感謝前往災區協助搜救嘅救援隊同醫護人員，呼籲佢哋要注意安全，平安歸來，並期待災區早日復原及傷者早日康復，受影響地區能夠盡早回歸正常生活。
其實香港商界今次都有錢出錢有力出力。好似日前半島酒店宣布，喺全球半島酒店展開賑災籌款活動「點燃希望」。由2月13日至12月31日，每間半島酒店，包括香港、上海、北京、東京、紐約、芝加哥、倫敦、伊斯坦堡、曼谷及馬尼拉各地半島酒店，每租出一晚客房，酒店會捐出等值10歐元當地貨幣，以援助土耳其地震災民。
同時，每間酒店亦會為賓客提供機會，向直接援助地震災民嘅慈善機構捐款等。