明報APP
報章內容
匯豐延長兩分行7天工作
標籤：小琴密語
【明報專訊】話說今年3月匯豐率先試下喺指定分行搞7日營運，唔搞唔知反應好，於是決定延長於海洋中心匯豐尚玉及卓越理財中心（尖沙嘴廣東道5號海洋中心三階351-60號）同埋柏寧卓越理財中心（銅鑼灣告士打道310號柏寧酒店地下A,B,D,E及F舖）嘅相關試行安排。
匯豐話，會繼續為客戶喺星期六延長營業嘅特別時段（星期六下午1時至5時、星期日及5月1日星期一下午2時至5時），提供包括開立戶口、啟動流動，同埋網上理財服務等非現金交易的銀行事務。各位尊貴嘅客戶，可經匯豐網頁預約。
早前試行預約爆滿 六成新客非本地
匯豐話，早前試行星期六延長營業時間，所有預約時段都爆晒，到訪嘅客戶主要係辦理開戶，呢批新客當中有大約六成非本地居民；又話客戶調查，九成到訪客戶都滿意呢個星期六延長服務時間既安排喎。小琴就好想知，唔知調查對象改為匯豐員工，結果又會係點呢？