moneymonday
指數/外匯
明報APP

報章內容

中信証券削成本 銀行家調返內地

【明報專訊】北京早排呼籲企業要將金融領域收入不平等收窄,咁究竟要點搞?中信証券(6030)就教吓大家可以點做。路透社引述消息報道,中信証券選擇幾十名銀行家由香港調返內地發展,即可削減成本。

報道話,中信証券旗下中信里昂證券,將要求幾十名銀行家調返內地,仲要份人工減到同內地一樣水平,唔係嘅話可能會面臨失業。預計第一批調往內地嘅中信里昂證券員工,最早要喺今個星期做決定,投資銀行部門內受到影響嘅員工人數大約為個位數,仲有更多人可能會受以後嘅幾輪調動影響。減薪定走人,進退兩難,真係好考呢班員工嘅判斷力㗎!

報道仲話,長遠嚟睇,中信里昂證券喺香港的200名投資銀行員工當中,有超過30%可能會被要求調到內地;而計劃可能會進一步更改,即係話仲有轉機。

[小琴密語]