明報APP
報章內容
傳承教育委「十優港姐」做非執董
【明報專訊】細價股炒家、人稱「Ken Sir」的呂宇健有份持股的傳承教育（8195）（前稱創天傳承）噚日公布，委任前港姐冠軍、本港「10A狀元」兼劍橋大學法律系畢業嘅麥明詩做非執董，年薪36萬元；傳承教育同時委任麥明詩旗下嘅「老麥工作坊」做集團顧問，顧問費每年100萬元，變相一紙公告後，麥明詩每年將有136萬元落袋啦。
麥明詩旗下「老麥工作坊」任集團顧問
近年由離開電視台，轉至顧問公司McKinsey擔任國際商業顧問嘅麥明詩，2021年起再創辦了專門幫青年賦權的公司Project Melo，做聯合創始人，今次仲加入埋專搞財商投資班、補習班嘅傳承教育，真係百足咁多爪。
麥明詩喺獲委任後，亦喺其個人社交平台上發文，指係欣賞集團主席袁裕深帶領嘅優質教育團隊，以及知名補習名師林溢欣（YY Lam）嘅教學理念及努力拼搏精神，而加入傳承教育，並會結合自身經驗參與集團旗下教育團隊業務嘅商業規劃。
email: financepage@mingpao.com