明報APP
報章內容
東京證交所 明年11月交易延長半小時
標籤：小琴密語
【明報專訊】東京證券交易所最近有新猷，決定要延長交易時間，同埋因應喺明年11月5日引進新一代交易系統arrowhead 4.0，引入埋收市競價時段。佢哋話，交易時間增加半小時，加時到下午3時半、即香港時間下午兩時半。佢哋話，咁樣會為參與者提升交易機會，而引進收市競價，會有助為收市定價改進透明度。今次修訂，主要回應咗市場環境同多元化投資者嘅需要。
不過，講開又講，東京證交所呢招，又令小琴記番以前港交所喺2012年3月話，要喺中午時段加半小時，搞到中環啲經紀大佬勞嘈食飯時間大減。結果係，中環食肆中午飯生意大減，要靠街客撐場嘅日子。無論如何，據小琴了解，現時中環啲經紀大哥不少業務多元化，港股呢期生意一般，但日股買賣暢旺下，佢哋好多時早上兼做日股買賣。如今日股加半小時至香港下午兩時半，入市港股嘅資金會唔會因為咁再少啲，大家值得留意留意！