明報APP
報章內容
WeChat推學生內地消費 家長埋單
【明報專訊】最近個個都話北上消費，就連學生都興北上遊學！WeChat Pay HK宣布，為咗方便學生哥北上遊學，喺教育局支持下，率先喺9月28日推出「暢遊內地消費金」功能，家長只需要透過WeChat Pay HK帳戶向子女發送「消費金」，學生唔使綁定香港信用卡或銀行帳戶，就可以喺內地使用WeChat Pay HK以港元消費。
WeChat Pay HK就話，「暢遊內地消費金」功能將於9月28日推出，免卻家長提前兌換人民幣嘅複雜過程，發放消費金嗰陣仲可以透過「親情卡片」，傳送窩心訊息及祝福。
學生唔使綁定信用卡或銀行帳戶
除咗一般消費，學生仲可使用內地網上平台包括滴滴出行、美團（3690）、大眾點評等，將消費金用喺掃碼點餐、團購優惠等，面對咁多內地美食。在此，小琴提提學生哥，記得除咗食嘢之外，都要記得深入考察文化歷史。