明報APP
報章內容
港航又送機票 包括9航點
標籤：小琴密語
【明報專訊】又有免費機票派，今次又到香港航空。噚日早上10時開始派免費機票，航點包括曼谷、首爾、名古屋、沖繩、大阪、東京成田、福岡、札幌、峇里島。免費飛包埋一件20公斤行李，不過按慣例，所有附加稅同埋附加費乘客都要繼續自費。
至於可出發嘅日期，就係噚日計到明年3月24日，但都要留意，呢批免費飛唔係期內日日都有，例如首爾、名古屋、沖繩、大阪、東京成田、福岡、札幌呢啲航點，喺2023年12月20日至12月27日、2024年2月7日至2月14日就無免費飛。
聖誕節農曆新年無免費
曼谷、峇里島，就喺2023年12月22日至12月25日、2024年2月7日至2月14日無免費飛。然後又循例講句，數量有限，先到先得，排完即止。小琴噚日下畫去睇嗰陣時，一如所料，繼續畀心機返工啦。