明報APP
報章內容
唐英年盡地主之誼 贊助金融領袖峰會晚宴紅酒
標籤：小琴密語
【明報專訊】本港金融界年度盛事國際金融領袖投資峰會於今明兩日舉行，大會噚晚喺西九故宮文化博物館設宴，為出席會議嘅90名全球頂級金融機構「一把手」等重量級與會者接風。有出席晚宴嘅線人報料，西九管理局主席唐英年盡地主之誼，慷慨贊助全場紅酒款待賓客。
余偉文讚全部係好酒
金管局總裁余偉文向來賓介紹唐英年時，指佢除咗歷任財政司長及政務司長等要職外，同樣為人熟悉嘅係本港最著名紅酒收藏家，更笑言自己對紅酒認識不多，只知唐英年揀選嘅都係好酒，引得哄堂大笑。
唐英年簡短致辭時邀請來賓參觀故宮文化博物館展品之餘，亦不忘分享自己對當前市場大勢嘅見解，指中國現在係全球第二大經濟體，有機構、投資者期望中國維持過去年均9%至10%超高增長不切實際，正如在坐嘅機構有管理上萬億美元資產，同樣唔可能提供每年20%投資回報。