明報APP
報章內容
湯文亮玩比特幣 出金2800萬做定存
標籤：小琴密語
【明報專訊】「樓市KOL」紀惠集團副主席及行政總裁湯文亮最新文章自爆自己幾個月前「無師自通」投資比特幣。佢話自己喺比特幣價大約2萬到2.2萬美元嗰時，買咗100個單位比特幣，跟手喺3萬6美元時沽出，然後連本帶利，將成2800萬港元做晒定期，賺5厘，每月就有11萬元利息收入平安落袋。
一向備受網民關注嘅湯文亮都玩比特幣，自然引來網絡熱議。有網民開玩笑話，對湯文亮買bitcoin好擔心。湯文亮又喺facebook發文話，有同事朋友知佢買比特幣就覺得「大鑊」，估計比特幣會大跌。
湯文亮話佢原本打算參加一些講座，想了解虛擬貨幣嘅投資方法、風險咁，點知唔少主辦機構以為佢去「踢館」而拒絕，所以佢幾個月前決定「無師自通」、「深入虎穴」投資比特幣，事前做好全輸嘅的準備。他又喺facebook發帖文話，投資比特幣有好多不確定性，「就算宜家贏咗，都唔知點解會贏。」
email: financepage@mingpao.com