明報APP
報章內容
東瀛遊推「莞深純玩團」 到山姆超市掃貨成亮點
標籤：小琴密語
【明報專訊】今時今日唔北上消費好似好執輸咁，東瀛遊（6882）就順應潮流，推出「東莞、深圳純玩團」，兩天團團費每人429元起，3天團團費每人529元起。個團最大亮點係，會到今年6月底開幕，深圳最大型山姆超市旗艦店掃貨。
據介紹，山姆超市旗艦店全場佔地過32萬呎，食品、零食、急凍品、生活家品乜都有，旅行團仲會送贈會員卡畀團友，每兩位團友可獲發一張一年會籍會員卡，價值260元人幣。旅行團又會提供專車駛達超市門口，方便團友血拼。
除了會到山姆超市外，行程亦會遊覽各個景點，包括東莞松山湖、「嶺南小麗江」西溪古村等，最後會到深圳灣/羅湖口岸解散。北上消費發展到可成旅行團，都證明市場需求之高，亦相信參加嘅團友，自然會精打細算，點樣去深圳血拼賺取差價，以抵消返團費成本。