明報APP
報章內容
蓮香居改名「六安居」 原班人馬負責經營
標籤：小琴密語
【明報專訊】想去上環蓮香居歎個靚茶嘅人要留意，下年你未必再搵到蓮香居，放心，佢唔係告別港人，唔使急住去打卡。其實係下年開始，會改名叫「六安居」重新營業，只係改個名，酒家會繼續由𠵱家嘅管理層同全體員工負責經營。
講起蓮香居，自然講埋蓮香樓，兩家茶樓素來都係遊客體驗香港傳統飲茶文化嘅好地方，不過一山不能藏二「蓮」，兩家茶樓曾經就因為商標問題打過官司。蓮香樓甚至將蓮香居告上法庭，2009年入稟指顏氏家族開設一間「天香大酒樓有限公司」，用以管理「蓮香樓」，但其中一位負責人顏尊輝就和蓮香樓其中一名食品供應商合作開設「蓮香居」，仲話顏尊輝講蓮香居係蓮香樓「分店」，雖然單案最終和解，但蓮香居最終都係改名做「六安居」，安居樂業繼續做生意。至於蓮香樓，喺舊年8月初連同另一特許經營店蓮香棧已雙雙結業。