明報APP
報章內容
有光科技高層客串金管局短片
【明報專訊】金管局近年搵嚟唔少明星宣傳，最新推出《金融特工隊：新領域全開》短片系列有凌文龍及余逸思扮演特務，介紹金融界最熱門話題、工作機遇同埋發展前景。金管局仲同4家大型金融機構同創科公司合作，包括法國巴黎銀行、花旗銀行、有光科技同OneDegree，除咗設計同擬定短片工作挑戰及實習情節，就連高層都會粉墨登場。
金管局今次仲喺短片首度加入電腦圖像及頭像設計同動畫特效，更加生動同立體呈現畫面同故事內容。第一條片介紹數據科學（Data Science），有光科技仲借出辦公室實地拍攝，再加埋凌文龍，相信有睇過電視劇《IT狗》嘅觀眾一定覺得好熟悉。
唔講唔知，第一集由有光科技首席科學家及首席技術官林潤生客串，引導凌文龍成為數據科學家（Data Scientist），仲有「Samantha」客串。想知邊個係Samantha？咁就要睇片啦。
未來3集主題仲有金融科技、綠色與及可持續金融同財富管理，唔知兩名特務下一集又會有咩挑戰呢？